砌咗一幅牆啦~~

哈哈...今日放工之後就攞咗d電制同蘇制上去屋企放抵比師傅裝修用,因為師傅已經收晒工,諗住放抵就走...但上到去見到師傅原來已經砌好咗廚房的一幅牆,感覺都唔錯...再睇其他地方,原來廁所都砌好咗一幅馬賽克..好開心,好靚...仲有一間房都油好第一層底油..只係2日無去睇進度,轉眼就多咗咁多野...師傅真係快手~~於是用手機影咗d相同大家一齊分享吓~~

瓷磚最後定案~

1) 廁所的地磚

2) 廁所的牆身-玻璃馬賽克 (我的會是深色佔約1/3)

3) 廚房的牆身 (圖案部分是beam要的..我原意是全白,現在加了2塊花磚咁多啦~)

4) 廚房的地磚

2009年6月22日終於要開始裝修啦...本來係定咗係6月20日開工的,但因為雜物未清晒,而且有朋友想要D傢俬電器,咁咪推遲2日先開工囉...等大家都方便D~~

今日同埋裝修師傅一齊上深圳買建材...之前已經睇啱果D,今日就同師傅去跟吓眼,無咩大問題就落訂啦..因為我始終係外行人..只會睇款式,師傅會跟埋質量同確實埋數量...咁唔會浪費麻...最後用了差不多一天時間,基本已經訂齊了要用的瓷磚(其實只係廚房同廁所要換過晒磚)...同大家分享一下我地既最後定案啦~

DIY簽名筆之初體驗~

1. 今次準備了米色罌粟花作主花,還有紫色的蔥花作襯花

2. 其他材料: 絲絨絲帶, 金色絲帶, 膠珠帶,簽名筆,熱熔膠及閃石貼

3.首先用雙面膠紙把筆身包起來

4.再以金色絲帶包圍筆身

5. 連筆蓋也圍上金色絲帶

6. 以白色膠珠帶把筆蓋圍邊

7. 將花枝部剪短,然後加上膠珠帶圍着花托(使熱熔膠的接觸面增大)

8. 將花以熱熔膠穩定於筆頂

9. 在主花旁加上襯花

10. 將絲絨帶整成蝴蝶結並以閃石點綴

11. 最後將蝴蝶結以熱熔膠固定於筆杆後便完成

看見友人iris及chris為他們婚禮自製的簽名筆很漂亮...我又心思思想學人自己整....問過chris,知道要準備既材料都唔算複雜,造法都唔係好難...於是在採購齊所需材料後就開始DIY之旅啦...大家一齊分享下...今次手騰騰腳震震咁整咗2個鐘先整好一支...其他果D可能要第日再揾時間整~~第一次的作品還可以吧?大家比D意見~

證婚律師~

今次的標題是證婚律師...其實我地決定結婚時就已經決定係選用律師係酒樓證婚啦,一直無諗住會去註冊處,初時並不是因為時間問題,而是我們看見我表妹的婚禮...律師證婚部分很好..過程莊嚴,溫馨,風趣生鬼樣樣有齊...令當時是賓客的我們留下了一個十分難忘的印象...亦是當晚婚宴的其中一個高潮位~~

於是我們開始找律師...上esdlife睇人地介紹拉...行expro拉...我們在婚紗展看了7-8間證婚服務,不是律師表現木納(像背書一樣),就是價錢太貴~~其中如果想找有點名氣的,如:鄭家富要5,000大元, 謝偉俊要5,xxx....其實市場一般價錢是3,xxx左右....結果左看右看,最終還是決定了選用我表妹用過的黃國桐律師, 我們親身見過他的現場演繹,對他很有信心,亦十分喜歡....而且價錢也很合理(是一般市價),於是就選定了他啦....想不到原來他在證婚介中亦是有名氣的人呢...不信,大家可參考以下連結看看...haha,當然這並非什麼官方統計啦~~

p.s. chris-你個何廣榮原來都好受歡迎喎~~

http://comtools.esdlife.com/wedding_forum/viewtopic.php?p=5932871

再加一條link比大家參考吓~~
http://www.up3up4.com.hk/webmgt-rank.php