IKEA & B&Q之行~~

今日用了一個下午的時間去九龍灣IKEA及B&Q睇野,目的係想整理返有邊D建材及傢俬係大陸買,邊D係香港買...雖然係攰,但我覺得值得...而家大概都定了下來...一切都照計劃進行中~~~另外,今日無意中見到一對熊仔,好啱做結婚公仔...影住先,昨天又係金都見到一對中國娃娃好可愛,暫時未決定,到時再睇吓有無其他選擇再定啦~

試妝篇~~

哈哈~比談美小姐話我寫blog寫得疏...今日就一口氣寫3篇...當彌補不足啦~~其實係揾咗酒樓之後就已經揾咗化妝師...老實講,今年真係好多人結婚,我心儀既化妝師一早都話full咗..我係2008年8月揾化妝,問2009年11月...都話無期,會唔唔太跨呢,但事實就係咁跨,雙春潤月既魔力真係大~~講返化妝,試咗一個,唔太鍾意,現在呢個係好友julian個同事用過,佢話唔錯,咁又去試妝...一試就覺得比上一個好好多,佢又多飾物配襯...價錢都唔算好貴..就係咁又join咗佢拉...upload返d試妝相比大家look look~~

花球~~

初時想在香港訂造一個絲花球去台灣影相用的,所以較早時就四處找靚花球...在網絡上找到一間相片很漂亮的,於是就親身到他們太子的店舖看看,一看,果然真的很漂亮呵~~價錢亦不算貴,連鮮花球都十分漂亮...呵呵..於是就落了訂join他們了~~但跟台灣方面溝通過後發現原來他們也有絲花球借給新人拍照用的..所以不用訂絲花球了,又慳返一筆..現在只會在大日子用"trinice"的鮮花球拉...但錯有錯着...原來trinice會在6月1日加價..現在提早join了就不受影響~~如果按原定訂計劃,大日子前3個月先揾trinice訂花球..就會比現在貴啦~~比條link大家睇吓..佢既花球真係好靚^.^ http://triniceflowers.com/wedding_bouquet.htm

敬酒的晚裝~~

3月頭己經試了第一次婚紗晚裝...我一共係1緍紗3晚裝,分開2間婚紗店租衫,一間係無論你第幾次試衫都唔准影相既"新婚情報"...另一間係第2次試衫先准影相既"vanesse L"...所以今無影到相,但係就成勁偷影到其中一件我hold咗用黎敬酒既晚裝(第2張)~~好特別架~~暫時敬酒hold咗2個款...到第2次試先決定要邊個款~另一個款(第1張)係網上揾到其他人試穿既相...大家幫忙比較一下去^.^

深圳睇裝修料~

決定咗要裝修之後,第一件事就係揾裝修CF,好彩爸爸有做裝修既朋友...約咗CF上去睇樓打價...我地諗住全屋翻新,間隔就唔會轉,廚房同廁所就要整過...話多唔多,話少唔少....CF個報價仲未比到我,但近日在ESD留言中知道好多人都上深圳買建材,話比香港平好多,而且款式仲多過香港好多添...於是集齊資料今日就上深圳去睇吓料先...收獲都唔錯..睇咗好多建材,大致上我係香港都去上海街一帶睇過吓,心目中已經有大概想要既野...今次主力就係格價,睇吓深圳係咪平好多...紙皮石就真係平好多喎...其他地磚及牆磚都平過香港3成...廚櫃都平好多...佢地仲會安排CF黎香港度尺架,但運輸既安排就要細心D..今次係上去"索吓料"...行咗大半日,睇吓我影既野,你地會唔會估到我想點整間屋呢?...今日有人行到好攰,要係B&Q既陳列廁所到坐呀~~^.^

去咗行婚紗展~~

今日我地去咗灣仔行婚紗展,見到有model行婚紗cat-walk又幾靚喎...於是就影咗幾張靚相...但我地真正既目的係去睇喜帖...因為酒樓送既帖係珍珠白色,我屋企長輩唔太like,所以今日去睇吓,最後都選定了一家印帖公司-名帖,佢地隨喜帖送利是封及貼紙架,都好靚架,但帖就未選定款式,大概係big day前3個月先去落實款式同字眼...又辦妥一件事la...今日仲join埋婚前身體檢查添...跟住個時間表,一樣一樣咁進行當中~~^.^比d今日婚紗展既花絮相片一齊分享吓~~

酒樓~~

我地婚宴既地點係尖東御苑皇宴...呢間酒樓係敍福樓集團旗下的店...食物都幾好食架,同親戚朋友去飲過茶,個個都讚不絕口,加上佢係2008年7月先開張,個場好新好靚,唔駛加其他裝飾都已經好ok拉~~係網上面揾到人地擺酒既相..大家不防比d意見..佢應該係只用酒樓基本裝飾,無另外加錢~~

訂婚介指~~

今日我既訂婚介指終於鑲嵌好..可以攞返屋企la..大家睇吓係咪好靚呢? 哈哈...當然介指真身梗係無張相影出黎咁大粒la..因為我地係用微距既鏡頭影先有咁既效果架..影得好靚,多謝未來老公~ ^.^