1)"低抄"影的窗簾~
2009年7月27日 星期一
裝修篇之-坐廁及廁板~
1)加送:浴室鏡燈
2)浴室鏡燈..(可以只開藍光的~~)
3)電廁板的遙控制~
4)坐廁+電廁板組合..(但他們是分開買的..呵呵~)
廁坐..其實一早決定了會在香港購買,因為大陸的坐廁出水咀位未必合適香港,我的坐廁是屬於高咀位的坐廁,大陸多半是低咀位...所以在香港買了一般的款式,沒有特別...比較特別的是廁板...我一直很喜歡日本的電廁板,比較方便,清潔,本來都有係深圳的B&Q找...貨是有,但產地是北京...跟香港代理了解過...產地是北京的電廁板,是只供內銷的,質數及保養都沒有保障...左看右看...最後都是在香港買了,因為.....香港的電廁板是日本制造的,有一年保養,但最重要是...多謝金融海嘯...心儀的toto電廁板竟然平了不少...差不多平了30%...在修裝接近完成的今天,師傅終於把它安裝好了,我們一馬當先去試用了一趟...^^真的不錯呵...各位嚷著要"驗貨"的好友們,讓你們久等了,相信很快會輪到你們了~~先看相片吧!
2009年7月25日 星期六
裝修篇之-最近進度一覽~
1)心儀了很久的"cheers" sofa,半價買咗~~^^
2)新的門"吸"...同師傅一齊在深圳買~
3)在深圳買的搪瓷門鎖...RMB50一個,香港要過百才有交易
4)奇勝電制...香港買,始終電器係香港買有信心D...係爸爸的行家,都計平咗hehe^^
其實裝修真係好多鎖碎野係好難逐個開topic去講既...所以今日就將呢d咁"濕碎"既事情攞晒出嚟同大家分享吓~~
進度分享:
-廚房同廁所的磚已全部舖好
-全屋天花及牆身已油好
-大門及房門已翻新
-全屋電制已更換
-全部房門已更換門鎖及門"吸"
-全屋窗簾已更換成捲簾
-廚櫃、衣櫃、電視櫃及廁所洗手盆已訂造
-已訂造油壓床
-已購買床褥
-已購買及安裝全屋燈飾
-花灑及坐廁已購買
-已購買sofa
-已購買煮食爐
報告完畢...請看部份相片分享~~多謝支持!
待續....
2009年7月18日 星期六
裝修篇之-窗簾篇~
1) 廳的窗簾-沒有遮光層,可保留廰的自然光線
2)睡方的窗簾-有遮光層,可阻擋80%光線,瞓覺都舒服d~
3) 書房的窗簾-有遮光層,可阻擋80%光線 (一看就知道是beam的藍房用拉~~)
本來安排了明天(星期日)去深圳訂傢俬及窗簾的,但天文台預測星期日風球最接近香港...唉,咁我時間表咪比個風攪亂晒...??梗係唔得拉,於是決定早一天,即今天星期六上去攪掂d野...行程設定為1)商業城車窗簾..2)寶安北路訂傢俬~~
一到深圳,即到商業城看窗簾,左挑右選的...以為會好快的項目竟然都化了接近2小時才完成,挑選了捲簾的款式...全屋一共3個窗要造, 其中廰的窗較大,要分為2幅...結果訂了4幅窗簾,連路軌....貨款連運費到香港是850人仔...感覺平香港好多...雖然不敢說是最平,因為沒有後努力"講價",但跟大家分享一下,記憶中我在香港車一幅的價錢是差不多1千元的...而家是4幅的價錢...大家應該知道為什麼我沒有很努力的去"講價"了吧~~跟大家分享一下選擇了的窗簾款式相片~~
另:關於廚櫃及傢俱的請看另一篇文章~~
裝修篇之-廚櫃及傢俱~
裝修已進入最後階段了,現在師傅已離場,餘下的"手尾"會在廚櫃等大型傢俱安裝後才繼續跟進,而早前買的燈飾己於本週四安裝好了...接下來我們就著手安排床、衣櫃等傢俱了,宜家, B&Q,網友介紹的深水埗傢俬店全走了一遍, 分析如下:
宜家-款式是好,但感覺材料不好,而且尺寸未必合適...
B&Q-唉,貴野一間...看了價錢,感覺是貴而且不值~~
深水埗訂造-心目中是訂造油壓床的...價錢算平,都OK...但其他如電視櫃及衣櫃的價錢就好貴...要千多元/尺....那一個5-6尺的電視櫃就要5-6千...實在不值,亦無必要用咁貴~
於是都決定了在我們訂廚櫃的深圳店子一并訂造...經度尺及款式選擇後,今天下午到深圳跟他們落訂,一共跟他訂了..1)廚櫃, 2)衣櫃, 3)電視櫃及 4)廁所洗手盆連櫃....價錢連運費及安裝計,大概相等於香港一套廚櫃的價錢...總數計都可以拉,平了約30%..全部2個星期起貨...安裝後再跟大家分享相片好了...今天暫且先看廚櫃內的"調咪欄"吧~~
2009年7月12日 星期日
裝修篇之-燈飾~
1) 房間燈~
2) 飯廳燈~
裝修進度十分理想...油漆部分大致完成,我們係時侯去買傢俱電器啦...洗衣機及抽油煙機等大型電器已找到一家電器代理,是公司"幫襯"開既...同我地公司都幾熟,有同事同佢地買過...服務滿意,最重要係價錢真係平過直銷中心,仲係原廠機,有保養,但就沒有show room的,要自己睇款再同佢地訂...但價錢平係可以彌補這點不便的~~
另一樣比較急既係全屋既燈飾...因為裝修師傅係包埋幫我們安裝燈飾既...而且我們廁所是玻璃牆身...一般燈飾師傅都唔會冒險"鑽"玻璃的...萬一....!!..所以就去咗買燈拉~都係買..當然唔係淨係買廁所燈拉...一次過買了全屋的燈飾了,沒有去大陸買,因為不是水晶燈的愛好者,亦唔想運輸上有咩"差池",所以在上海街買了4盞主燈...已經好努力講價,比標價都係平咗一截, 4盞燈平均3位數字一盞,但應該會比深圳買貴d...算吧,買了免費安裝及送貨,仲有保養服務...計落應該差不多吧~~
2009年7月5日 星期日
訂閱:
文章 (Atom)