租咗褂la~~

連續二個星期都周圍睇裙褂...金都地下睇到三樓, 唔係無款啱,但佢地唔肯封褂,你落咗訂一樣照租比第二個..到真係我個日,可能已經殘晒...最後都係鎖定傳統繡莊, 佢地好多都會幫客人封褂,咁樣有保障d...於是就集中睇上海街的三間傳統舖;1)美華 2)錦發 3)永隆...最終係永隆租咗,比我遇到一套啱我size我又鍾意既褂,仲要係新架,我係第一個租既客人...本來心目中係想租中五福,但試上身後,家人及自己都覺得小五福真係啱我多d...於是就租咗呢套la..大家覺得點呢?

V-Day 2009~

2009年2月14日情人節, 係我單身的最後一個情人節, 我地去咗鯉景灣的一間意大利餐廳食晚飯...仲係海皮影相添~~^.^

3D Crystal Puzzle

呢個係聖誕節朋友送比我既禮物...放咗係度一直都無郁過...適逢情人節, 咁就攞出黎玩吓應吓節la...都砌咗成個鐘架...幾靚呀~~

Big Day~~

2009年11月29日係我結婚既大日子呀~~

黎緊5月會去台灣影婚紗相..雖然話仲有成10個月先結婚, 但原來真係好多野要準備, 大大話話我都籌備咗5個幾月la...大概都叫訂好晒, 但就未go into details....睇黎, 過完情人節真係要即極發功la..因為我想我既wedding party可以留下一個美麗的回憶~~3月頭會試婚紗, 到時再同大家分享la..(如果偷影成功)~~

2009學人寫bolg~~

踏入2009年..今日開始學人寫blog, 點解呢..hehe, 因為2009年有新的改變, 我要結婚la.....所以想借blog把過程中的點點滴滴寫下來跟大家一同分享~~希望第一次寫bolg的我不會太差吧!!